Атна уртасында Татарстанда -1 градуска кадәр суытачак

Атна уртасында Татарстанда -1 градуска кадәр суытачак

<p> Алдагы ике көндә Татарстанда төньяк циклон атмосфера фронтлары тәэсирендә һава торышының тотрыксыз булуы көтелә, дип хәбәр итә ТР Гидрометеорология үзәге. </p> <p> Иртәгә Казанда синоптиклар яңгырлы, болытлы һава торышы фаразлый. Җил төньяк-көнбатыштан, тизлеге секундына 6-11 метр, урыны белән секундына 13 метрга кадәр җитәргә мөмкин. Төнлә һаваның минималь температурасы +2..+4 градус булачак, көндез +4..+6 градуска кадәр җылыначак. </p> <p> Чәршәмбе һәм пәнҗешәмбе көннәрендә синоптиклар яңгыр, юеш кар һәм тизлеге секундына 15-18 метрга кадәр җитә торган болытлы һава вәгъдә итә. Бу көннәрдә төнлә һәм иртән юлларда бозлавык булуы ихтимал. Термометр баганалары -1 дән +4 градуска кадәр күрсәтәчәк. Көндез һава +1..+6 градуска кадәр җылыначак. </p> <p> Беренчел фаразлар буенча, киләсе ай башында һава шартларының сизелерлек начараюы көтелә. Татарстанда яңгыр, юеш кар, кар, секундына 15-20 метрга кадәр көчле җил вәгъдә ителә, урыны белән юлларда бозлавык барлыкка килә. Төнлә +1..-4 градуска кадәр суыта, көндез 0-3 градус җылы булыр дип көтелә. </p>

2024-10-29T13:31:50+0300