Сентябрь аенда Казан «Библиобус»ы үз эшен дәвам итәчәк

Мобиль китапханә комплексы 1,5 меңгә кадәр китап, шул исәптән балалар китапларын да сыйдыра ала.

(Казан шәһәре KZN.RU, 27-нче нче август). Казанның «Библиобус» мобиль китапханә комплексы сентябрь аенда Самосырово, Вознесение бистәләренә, шулай ук Ветераннар йортына киләчәк.

Әйтик, Самосырово бистәсенә, Мир ур., 50а адресы буенча «Библиобус» 12-нче һәм 26-нчы сентябрьдә 14.00 сәгатьтә киләчәк. Ветераннар йортында (Дубравная ур., 35) «Библиобус»ны 9-нчы һәм 23-нче сентябрьдә 13.00 сәгатьтә көтәләр. Вознесение бистәсендә, Нардуган ур., 45 адресы буенча ул 5-нче һәм 19-нчы сентябрьдә 15.00 сәгатьтә тукталачак.

Исегезгә төшерәбез, мобиль китапханә комплексы шәһәрнең ерактагы бистәләренә һәм Ветераннар йортына хезмәт күрсәтә. «ГАЗ 2705» автомобиле - «Библиобус» - 1,5 меңгә кадәр китапны, шул исәптән балалар өчен китапларны, үз эченә сыйдыра. Моннан тыш, комплекс стационар китапханәләр фондларын яңартырга һәм китап укучылар соравы буенча басмалар китерергә ярдәм итә, дип хәбәр итә «Казанның үзәкләштерелгән китапханәләр системасы» муниципаль бюджет мәдәният учреждениесе.

Шулай ук укыгыз

Барлык яңалыклар