Татарстанда аномаль салкыннар аркасында шторм кисәтүе игълан ителде

Татарстанда аномаль салкыннар аркасында шторм кисәтүе игълан ителде

<p> </p> <div class="detail-picture"> <img src="https://kzn.ru/upload/iblock/81a/81a8f982ad51e60795af514d2fd6130d.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 4 нче декабрь). Татарстанда аномаль салкын һава торышы аркасында шторм кисәтүе игълан ителде.<br> <p> </p> <p> «5 нче декабрьдән 13 нче декабрьгә кадәр Татарстан Республикасы территориясендә башта циклонның тыл өлеше, аннары арктика антициклоны йогынтысында һава температурасының шактый түбән төшүе һәм аномаль-салкын һава торышы урнашуы көтелә», – дип хәбәр иттеләр ТР Гидрометүзәгендә. </p> <p> 5 нче һәм 6 нчы декабрьдә республикада азрак кар явачак, урыны белән бураннар булырга мөмкин. Җил төньяк-көнбатыштан секундына 5-10 метрга, урыны белән секундына 15-17 метрга кадәр тизлектә булачак. </p> <p> Иртәгә, 5 нче декабрьдә, төнге сәгатьләрдә температура -8..-13 градус тәшкил итәчәк, көндез -6..-11 градус булачак. Чәршәмбе, 6 нчы декабрь төнендә температура -14..-19 градуска кадәр төшәчәк, көндез -12..-17 градус булыр дип көтелә. </p> <p> Пәнҗешәмбе, 7 нче декабрьдә, республикага арктиканың аз болытлы антициклоны таралачак. Аның республикада йогынтысы ким дигәндә 13 нче декабрьгә кадәр сакланачак. Төнлә һава температурасы -23..-29 градуска кадәр төшәчәк. Түбән районнарда -34 градуска кадәр, көндез һава температурасы -20..-25 градус дәрәҗәсендә булыр дип фаразлана. </p>

2023-12-04T13:10:00+0300