Ата-аналар көнендә Казан зиратларына кадәр махсус автобуслар йөриячәк

Җәмәгать транспорты берничә маршрут буенча эш көне графигы тәртибендә эшләячәк

Фото: Денис Гордийко

(Казан шәһәре KZN.RU, 2 нче июнь). Ата-аналар шимбәсендә, 3 нче июньдә, Казан зиратларына кадәр махсус автобуслар йөриячәк.

Алар түбәндәге маршрутлар буенча хәрәкәт итәчәк:

201с номерлы – Җиңү проспектыннан Самосыр зиратына кадәр;

202с номерлы – Чехов базарыннан Самосыр зиратына кадәр;

204с номерлы – Дәрвишләр торак массивыннан Дәрвишләр торак массивындагы зиратка кадәр;

205с номерлы – тимер юлчылар мәдәният йортыннан Юдино зиратына кадәр;

206с номерлы – Ленин исемендәге мәдәни-ял комплексыннан Коры елга торак массивындагы зиратка кадәр;

207с номерлы – Самосыр зиратыннан «Курган» зиратына кадәр;

208с номерлы – Гаврилов урамыннан Коры елга торак массивындагы зиратка кадәр.

Эш көне графигы буенча линиягә 2, 23, 37, 46, 56, 71, 72 нче номерлы маршрут автобуслары һәм 2, 3, 5, 7 нче номерлы маршрут троллейбуслары чыгачак. Моннан тыш, Киндери зиратына кадәр 84 нче маршрут автобуслары йөриячәк, дип хәбәр иттеләр Казанның Транспорт комитетында.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар