Ратушада Казан шәһәр Думасының отчет сессиясе башланды

Казан Мэры рәислегендә үткән сессия эшендә Татарстан Президенты катнаша.

(Казан шәһәре KZN.RU, 28-нче февраль). Әлеге минутларда Казан ратушасында өченче чакырылыш Казан шәһәр Думасының XXIV отчет сессиясе үтә. Утырышны Казан Мэры Илсур Метшин алып бара. Утырышта 49 депутатның 45-се катнаша, карар кабул итү өчен кворум бар.

Сессия эшендә Татарстан Президенты Рөстәм Миңнеханов, ТР Дәүләт Советы рәисе урынбасары Юрий Камалтынов, ТР Премьер-министрының беренче урынбасары Рөстәм Нигъмәтуллин, ТР Муниципаль берәмлекләр советы рәисе Әгъзам Гобәйдуллин, РФ Дәүләт Думасы һәм ТР Дәүләт Советы депутатлары, республика министрлыклары һәм ведомстволары җитәкчеләре, федераль хакимият органнарының территориаль структуралары җитәкчеләре һәм башкалар катнаша.

Депутатлар 13 сорау караячак:

каралачак:

1. Казан шәһәре Мэрының 2017 елдагы эшчәнлеге буенча отчеты;

2. Казан шәһәр Думасының 2017 елдагы эшчәнлеге буенча отчеты;

3. Башкарма комитет җитәкчесенең һәм Башкарма комитетның 2017 елдагы эшчәнлеге буенча отчеты;

4. Контроль-хисап палатасының 2017 елдагы эшчәнлеге буенча отчеты;

5. РФ ЭЭМ Казан буенча идарәсенең 2017 елдагы эшчәнлеге буенча отчеты;

6. 2017-2019 елларга Казанда муниципаль милекне приватизацияләүне фараз планының (программасының) 2017 елдам үтәлеше буенча отчет;

7. Казан шәһәр Думасының "2017-2019 елларга Казанда муниципаль милекне приватизацияләүне фараз планы (программасы) турында" карарына үзгәрешләр кертү турында;

8. Казан шәһәр Думасының "Казан муниципаль берәмлегенең 2018 елга һәм 2019-2020 елларның планлы периодына бюджеты турында" карарына үзгәрешләр кертү турында;

9. Казан шәһәр Думасының "Казан территориясендә үз белдекләре белән һәм (яисә) законсыз урнаштырылган күчемсез милек объектларын ачыклау һәм демонтажлау турында" карарына үзгәрешләр кертү турында;

10. Казан муниципаль берәмлеге Уставына үзгәрешләр кертү турында;

11. Казан муниципаль берәмлеге чикләрен үзгәртү турында;

12. Җирдән файдалану һәм төзелеш кагыйдәләренә үзгәрешләр кертү турында;

13. Төрлеләр