Казанлылар Яңа Савин районында Марьино күленең яр буе зонасын чистартачак

Казанлылар Яңа Савин районында Марьино күленең яр буе зонасын чистартачак

<p> <img src="https://www.kzn.ru/upload/iblock/964/GQ2Q4771.jpg"><br> </p> <p> (Казан шәһәре KZN.RU, 31-нче июль). Казанда 1-нче һәм 2-нче августта Яңа Савин районындагы Короленко урамындагы Марьино күле территориясен чистартачаклар. Җыештыруга шәһәрнең битараф булмаган барлык халкы да кушыла һәм экоактивистларга ярдәм итә ала. </p> <p> Күл территориясен чистарту «Чиста яр буе» экологик акциясе кысаларында үткәрелә. Узган юлы Авиатөзелеш районындагы Лесное күлендә шундый акция үткәрелде, анда 20-дән артык кеше катнашты, алар <a href="https://www.kzn.ru/meriya/press-tsentr/novosti/kazantsy-sobrali-130-meshkov-musora-na-ozere-lesnom/" target="_blank">130 капчык чүп-чар җыйганнар</a>. </p> <p> Инициативалы шәһәрлеләр ярдәме белән Авиатөзелеш һәм Яңа Савин районнары территориясендә Лесное, Ротановое, Малое һәм Большое Чуйково, Малое һәм Большое Чайковые күлләре янындагы территорияләр, Ключище һәм 2-нче Муром урамнары буенча урнашкан күлләр, Мусин, Маршал Чуйков урамнары һәм Ямашев проспекты арасындагы сулыклар, шулай ук Солонка һәм Казансу елгалары ярлары чистартылган. </p> <p> Экологик акция 10.00 сәгатьтә башлана, катнашучыларга барлык кирәкле кораллар биреләчәк, дип хәбәр итә Казанның Авиатөзелеш һәм Яңа Савин районнары администрациясе матбугат хезмәте. </p>

2019-07-31T10:05:51+0300