Казанның биш мәчетендә татар теле курслары старт ала

Дәресләрне тәҗрибәле тел белгечләре алып барачак.

(Казан шәһәре KZN.RU, 21-нче сентябрь). 1 октябрьдән Татарстан мәчетләрендә татар теле курслары старт ала. Казанда дәресләр 5 мәчеттә узачак: “Тынычлык”, “Ризван”, “Гаиля”, “Ярдәм” һәм “Әниләр”. Дәресләр атнага ике тапкыр узачак.

Агымдагы елның февраленнән апреленә кадәр татар теле дәресләре Татарстанның 10 мәчетендә узган булса, бу юлы татар теленә 20 мәчеттә өйрәнергә мөмкин. Казаннан кала, курслар республиканың 15 мөхтәсибәтендә узачак – Яр Чаллы, Түбән Кама, Әлмәт, Бөгелмә, Лениногорск, Әгерҗе, Алабуга, Яшел Үзән, Ютазы, Чистай, Спасс, Норлат, Менделеевск, Югары Ослан, Алексеевск.

Моннан кала, курслар озынлыгы арта: хәзер алар өч ай түгел, ә 6 ай дәвам итәчәк. Дәресләр атнага ике такыр узачак һәм 36 академик сәгать урынына 48 сәгатьтән торачак. Курсларга йөрүчеләр өчен уңайлы вакыт куярга планлаштырыла. Теләүчеләр өчен Ислам мәмдәнияте белән дә танышырга мөмкинлек булачак.

Дәресләрне тәҗрибәле укытучылар алып барачаклар. Уку процессын оештыру өчен ТР Мөселманнары Диния Нәзарәте һәм “Хузур” нәшрияты Россия ислам институтының татар теле һәм милли мәдәният кафедары белән берлектә “Татар теле. Башлап өйрәнүчеләр өчен” (“Татарский язык. Для начинающих”) исемле уку әсбабы чыгарды.

Билгеләп үтәргә кирәк, “Без – татарлар” курсларына 500-гә якын кеше язылган иде. Бу юлы курсларга меңгә якын кеше йөрер, дип көтелә.

Курслар тәмамлангач, тыңлаучыларга сертификатлар биреләчкә, дип хәбәр итә ТР Мөселманнары Диния Нәзарәте матбугат хезмәте.