Казан прокуратурасында президент ярдәме чараларының ничек эшләячәген аңлаттылар

Алар арасында кредит каникуллары, балалы гаиләләргә түләүләр, торак бина, коммуналь хезмәтләр өчен түләүне тоткарлаган өчен штрафлар түләтүне туктатып тору һәм башкалар.

(Казан шәһәре KZN.RU, 14-нче апрель). Россиядә 3 яшькә кадәрге балалары булган гаиләләргә ярдәм итү чараларын гамәлгә ашыра, кулланучылар кредитлары өчен кредит каникуллары, бизнес өчен ташламалар бирә башладылар, шулай ук торак, коммуналь хезмәтләр һәм капремонтка кертемнәр өчен түләүне тоткарлаган өчен штрафларны туктаттылар. Казан прокуратурасында моңа кадәр Россия Федерациясе Президенты Владимир Путин тәкъдим иткән әлеге чараларның эшен аңлаттылар.

Әйтик, Россия Федерациясе Хөкүмәте карары нигезендә, кредит каникуллары түбәндәгеләр буенча бирелә: физик затлар заемщиклар булган кулланучылар кредитлары (заемнар) өчен - 250 мең сум; шәхси эшмәкәрләр заемщиклар булган кулланучылар кредитлары (заемнар) өчен - 300 мең сум; физик затлар заемщиклар булган кредитлау лемиты беләнкулланучылар кредитлары (заемнары) өчен - лимит белән кредит бирүне күздә тоткан кулланучылар кредитлары (заемнар) өчен - 100 мең сум; автотранспорт чарасын залогка кую белән автотранспорт чараларын сатып алу максатларына кулланучылар кредитлары өчен - 600 мең сум; эшкуарлык эшлеклелеген гамәлгә ашыруга бәйле булмаган һәм ипотека буенча йөкләмәләр белән тәэмин ителгән максатларда бирелгән кредитлар (заемнар) өчен - 1,5 млн сум.

РФ Хөкүмәтенең 2021 елның 1-нче гыйнварына кадәр карары белән торак бина, коммуналь хезмәтләр һәм капиталь ремонтка кертемнәр вакытында һәм (яисә) тулы күләмдә кертелмәгән очракта неустойка, штраф яки пени түләттерү туктатылды.

Яңа федераль закон нигезендә, гражданнар, шәхси эшмәкәрләр, кече һәм урта бизнес вәкилләре кредит каникулларына хокук алачак. Ташламаны ярты елга алырга мөмкин, әгәр керем хәзерге вакытта узган ел белән чагыштырганда 30 процентка кимегән булса. Бу ярдәм чарасы 2020 елның 30-нчы сентябренә кадәр гамәлдә булачак.

Моннан тыш, РФ Президенты тарафыннан ана капиталына хокукы булган яисә балалары булган гаиләләргә социаль ярдәм күрсәтү буенча өстәмә чаралар турындагы Указ имзаланды. 2020 елның апрель-июнендә әлеге гаиләләр 3 яшькә кадәрге һәр балага 5 мең сум күләмендә айлык түләүләр алачак. Әгәр ана капиталына хокук 2020 елның 1-нче июленә кадәр барлыкка килсә, түләүләр башкарыла. Түләүләр билгеләү өчен 2020 елның 1-нче октябренә кадәр мөрәҗәгать итәргә мөмкин.

Шулай ук укыгыз

Барлык яңалыклар