БРИКС Уеннары программасына фиджитал концепциясендә футбол һәм баскетбол буенча турнирлар кертелде

Гаризалар кабул итү башланды – оештыручылар берләшмә илләре спортчыларының зур кызыксыну белдерүен билгеләп үтте

Фото: vk.com/gamesofuture

БРИКС Уеннары ярышлары программасына фиджитал-футбол һәм фиджитал-баскетбол буенча турнирлар кертелде. «Гаризалар килә башлады. Дисциплиналар яңа булуга карамастан, аларга карата кызыксыну барлыгын күрәбез», – дип белдерде ТРның спорт министры Владимир Леонов матбугат конференциясендә.

Июнь аенда ТР башкаласында оештырылачак БРИКС Уеннары алдыннан фиджитал концепциясендә футбол һәм баскетбол буенча ярышлар «Киләчәк уеннары»нда узачак.

Соңгы вакыйга турында сөйләгәндә, спикер халыкара мультиспорт турнирының тулысынча Россия продукты булуын билгеләп үтте. «Без мондый проектка беренче тапкыр алындык. Катнашучылар күп булыр дип көтәбез – бу геосәяси вазгыятьтә бик мөһим. Турнир үткәрү буенча яңа тенденцияләр һәм кагыйдәләр урнаштырачакбыз. Барысын да булдырачагыбызга ышанабыз», – диде Владимир Леонов.

Исегезгә төшерәбез, «Киләчәк уеннары» Казанда 21 нче февральдән 3 нче мартка кадәр узачак – бүгенге көнгә билетларның 73% ы инде сатылып беткән. Турнирда катнашу өчен гаризаларны 107 илдән 277 команда раслады, бу 2 меңнән артык катнашучы дигән сүз. Аларга 21 дисциплинада иң яхшыларны билгеләргә туры киләчәк. Тамашачылар өчен активлыкларда турнирның амбассадорлары – Влад «А4», Егор Крид, DJ Smash, Андрей Аршавин, Артем Дзюба, Слава «Бустер» чыгыш ясаячак.

Юлия Летникова

Шулай ук укыгыз

Барлык яңалыклар