Казанның Идел буе районында 1501 урынга исәпләнгән мәктәп төзелеше тәмамлана

Учреждение Белем көнендә укучылар өчен үз ишекләрен ачачак

Фото: Мәгариф идарәсе

(Казан шәһәре KZN.RU, 6 нчы июль). Казанда Рауис Гәрәев урамында 1501 урынга исәпләнгән өч катлы яңа мәктәпнең төзелеш мәйданчыгында эшчеләр барлык эчке һәм тышкы эшләрне тәмамладылар. Хәзер алар территорияне төзекләндерәләр һәм койма урнаштыралар, бер сменада объектта 23 кеше эшли. Мәктәп беренче укучыларны 1 нче сентябрьдә кабул итәчәк.

Сыйныфларга парталар һәм урындыклар кертелгән, физика, химия, биология, информатика кабинетлары җиһазлар белән, ә ике спорт залы спорт инвентаре белән җиһазландырылган. Китапханә уку әдәбияты, балалар һәм яшүсмерләр өчен китаплар алган. Спорт залларыннан тыш, яңа мәктәптә ике бассейн, 680 урынга актлар залы һәм 750 урынга ашханә бар.

Мәктәп «Мәгариф» илкүләм проекты буенча төзелә. Якын арада объектны файдалануга тапшыру өчен кирәкле документлар алу планлаштырыла.

Яңа уку елында учреждениедә профильле медицина, инженер һәм экология сыйныфлары ачу планлаштырыла, дип хәбәр итә шәһәр Башкарма комитетының Мәгариф идарәсе матбугат хезмәте. Моның өчен лицей администрациясе республиканың колледжлары һәм югары уку йортлары белән хезмәттәшлекне җайга салган.

Мәктәп концепциясенә дүрт проект салынган: «Яңа мәктәп – яңа эчтәлек», «Киләчәк мәктәбе укытучысы», «Талантларны үстерү мәктәбе» һәм «Мәктәп – сәламәтлек территориясе». Алар ярдәмендә яшь казанлыларны тулысынча үстерү өчен барлык шартлар тудырылачак, ә педагогик коллектив яңа технологияләр һәм укыту методикаларын кертеп, укыту күнекмәләрен камилләштерә алачак.

Элегрәк KZN.RU порталы Татарстан башкаласында яңа рекорд куелды – киләсе уку елында Казанда алты меңнән артык укучы өчен дүрт мәктәп ачылачак дип хәбәр итте.

Шулай ук укыгыз

Барлык яңалыклар