Казанның Идел буе районындагы берничә урамда транспорт хәрәкәте этаплап чикләнәчәк

Участокларда «Водоканал» МУП белгечләре эшләячәк

Фото: Денис Гордийко

Казанның Идел буе районындагы берничә урамда транспорт хәрәкәте этаплап чикләнәчәк. Бу «Водоканал» МУП белгечләренең әлеге участокларда эшләве белән бәйле, дип хәбәр иттеләр тышкы төзекләндерү комитетында.

Хәрәкәт түбәндәге участокларда чикләнәчәк:

4 нче апрельдән 1 нче майга кадәр Молодецкая урамындагы 12 нче, 18 нче номерлы йортлар янында (өлешчә);

23 нче апрельдән 25 нче майга кадәр Молодецкая урамындагы 24 нче номерлы йорт янында (өлешчә);

7 нче майдан 25 нче майга кадәр Молодецкая урамындагы 20 нче, 22 нче номерлы йортлар янында (өлешчә);

12 нче майдан 25 нче майга кадәр Молодецкая урамындагы 10 нчы номерлы йорт һәм Кооператив урамындагы 27 нче номерлы йорт янында (өлешчә);

22 нче майдан 4 нче июньгә кадәр Молодецкая урамындагы 40 нчы номерлы йорттан 41а номерлы йортка кадәрге, Артель урамындагы 1 нче номерлы йорттан Урожайная урамы белән кисешкән урынга кадәрге участокта (тулысынча);

22 нче майдан 4 нче июньгә кадәр Молодецкая урамындагы 4 нче номерлы йорт һәм Кооператив урамындагы 27 нче номерлы йорт янында (өлешчә);

4 нче июньнән 24 нче июньгә кадәр Молодецкая һәм Урожайная урамнары киселешеннән Молодежная урамындагы 42 нче номерлы йортка кадәрге участокта (тулысынча);

4 нче июньнән 24 нче июньгә кадәр Молодецкая урамындагы 2а номерлы йорт һәм Двинск урамындагы 25 нче номерлы йорт янында (өлешчә);

11 нче июньнән 24 нче июньгә кадәр Молодецкая урамындагы 42 нче номерлы йорттан 49 нчы номерлы йортка кадәрге участокта (тулысынча);

11 нче июньнән 24 нче июньгә кадәр Молодецкая һәм Карбышев урамнары киселешендә (өлешчә).