Казанлылар «Дәүләт хезмәтләре.Йорт» кушымтасында барлык счетларны бер җирдә түли алачак

Сервисны RuStore, AppStore, Google Play һәм AppGalleryда йөкләп алырга мөмкин

Казанлылар «Дәүләт хезмәтләре.Йорт» күпфатирлы йортларда күчемсез милек милекчеләре өчен булган мобиль кушымтадан файдалана ала . Ул торак-коммуналь хуҗалыкның барлык мәсьәләләрен «бер тәрәзә» принцибы буенча хәл итәргә ярдәм итә.

Инструментның үзенчәлеге булып, өйдәге проблемаларны күршеләр белән бергә хәл итәргә мөмкинлек бирә торган функцияне куллану мөмкинлеге тора. Сервис аша шәһәрлеләр идарәче компаниягә шәхси һәм күмәк мөрәҗәгатьләр җибәрә, гомумйорт мәсьәләләре буенча тавыш бирүдә катнаша, счетчиклар буенча мәгълүмат тапшыра һәм квитанцияләр өчен түли ала.

Платформада торак-коммуналь хуҗалык турында мөһим яңалыклар һәм файдалы киңәшләр урнаштырылачак. Моннан тыш, кушымта күршеләр белән танышырга һәм йорт чатын табарга, капиталь ремонт эшләре графигын һәм ИК хисабын контрольдә тотарга ярдәм итәчәк. Функцияләр турында тулырак мәгълүмат – сылтама буенча.

Бүгенгә кушымтаны 6 миллионнан артык кеше урнаштырган. Сервисны RuStore, AppStore, Google Play һәм AppGalleryда йөкләп алырга мөмкин. Популяр кибетләрнең теләсә-кайсысында, шулай ук сылтама буенча дәүләт хезмәтләре порталы аша урнаштырырга мөмкин.

Сервис РФ Төзелеш министрлыгы һәм РФ Цифрлар министрлыгы ярдәмендә «Мәгълүмат системасы операторы» АҖ тарафыннан эшләнгән. Кушымтаның эшләве өчен нигез булып ТКХ ГМС тора, ул инде берничә ел торак-коммуналь хуҗалыкта бара торган төп процесслар турында мәгълүмат туплый.

Шулай ук укыгыз

Барлык яңалыклар