Киләсе ял көннәрендә Казанда көчле җил һәм буран фаразлана

Автомобиль йөртүчеләрне юлларда бозлавык барлыкка килүе турында кисәтәләр.

(Казан шәһәре KZN.RU, 1-нче ноябрь). 2-нче ноябрьдә Татарстан Республикасы һәм аның башкаласы территориясендә урыны белән синоптиклар җилнең тизлеге секундына 15-17 метрга кадәр җитәргә, күз күреме 1-2 км га кадәр начарланырга мөмкин, шулай ук юлларда бозлавык булуы ихтимал, дип фаразлый.

Казанда алдагы тәүлектә болытлы һава торышы көтелә, бераз кар явачак. Шимбә төнендә һава температурасы минус 3-5 градус, көндез +1 градуска кадәр булачак. Татарстанның башка районнарында төнге сәгатьләрдә һава температурасы -3-тән -8 градуска кадәр, көндез - +1-дән -3 градуска кадәр булачак.

3-нче ноябрьдә республикада аязучан болытлы һава торышы көтелә, төнлә урыны белән кар явачак, җил көньяк-көнбатыштан исәчәк. Һаваның минималь температурасы тәүлегенә минус 7 градус, максималь температура – +4 градус тәшкил итәчәк.

4-нче ноябрьдә төнлә һәм иртән урыны белән бераз кар, юеш кар, урыны белән буран булачак. Җил көньяк-көнбатыштан, көчәйгәндә секундына 16 метрга кадәр тизлектә булачак. Төнлә һава температурасы минус 1-6 градус булачак, көндез термометр баганалары +4-тән минус 1 градуска кадәр күтәреләчәк, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар