Бәйрәм алды көннәрендә һәм Яңа ел каникулларында Казан үзәгендәге кайбер урамнар буенча хәрәкәт чикләнергә мөмкин

Кирәк булган очракта чикләнәсе юлларның исемлеге Кремль урамы участогы белән тулыландырылган.

Фото: Денис Гордийко

(Казан шәһәре KZN.RU, 24-нче декабрь). Казанның кайбер урамнарында Яңа ел алдыннан һәм кышкы каникул дәверендә транспорт хәрәкәтен чикләү кертелергә мөмкин. Карар ЮХИДИ тарафыннан бәйрәм итү урыннары янындагы юл вәзгыятеннән һәм куркынычсызлык таләпләреннән, ягъни Яңа ел мәйданчыкларының кешләр белән тулылана баруыннан чыгып кабул ителәчәк. Участокларның исемлеге Кремль урамы белән тулыланды. Тиешле карар Казан Башкарма комитетында имзаланды.

Кирәк булган очракта, 14-нче гыйнвар 00:00 сәгатькә кадәр чорда түбәндәге юллар участоклары һәм транспорт чаралары парковкалары ябылачак:

С.Хәким урамы, Декабристлар урамы киселешеннән башлап Әпсәләмов урамы киселешенә кадәр (ике якка да);
«Казан» гаилә үзәге территориясендә;
Бондаренко урамы, С.Хәким урамындагы 3 нче номерлы йорттан алып С.Хәким урамындагы участокка кадәр (ике якка да);
Ш.Мәрҗани урамы, Татарстан урамы киселешеннән Ф.Кәрим урамы киселешенә кадәр (ике якка да);
З.Солтан урамы, Ш.Мәрҗани урамы киселешеннән башлап К.Насыйри урамы киселешенә кадәр (ике якка да).
Кремль урамы буенча, Чернышевский урамыннан алып Беренче Май мәйданына кадәр.

Бәйрәм мәйданчыкларына ял итүчеләрнең иң зур төркеме бүген, 24-нче декабрьдә, төп чыршы ачылу көнендә һәм 31-нче декабрьдә, Яңа елны бәйрәм итү көнендә көтелә. Моны шәһәр үзәгенә барырга планлаштырганда исәпкә алырга кирәк.

Моннан тыш, иртәгә, 25-нче декабрь көнне, 00:00 сәгатьтән 16:00 сәгатькә кадәр республика чыршысын уздыру уңаеннан паркингның түбәндәге урамнарда хәрәкәте һәм эше чикләнәчәк:

А.Айдинов ур.амы М.Сәлимҗанов урамыннан Островский урамына кадәр (ике якка да);
Спартак урамы, А.Айдинов урамыннан Т.Миңнуллин урамына кадәрге участокта (ике якка да);
Һ.Такташ урамы, Островский урамыннан М.Сәлимҗанов урамына кадәр (ике якка да).

Шулай ук укыгыз

Барлык яңалыклар