Рамазан ае алдыннан Казан мәчетләрендә өмәләр уза

Рамазан ае алдыннан Казан мәчетләрендә өмәләр уза

<p> </p> <div class="detail-picture"> <img src="https://kzn.ru/upload/iblock/905/90569b9f50712c9cae60cddb8a189c77.jpg"> <p class="detail-picture__caption"> Фото: ТР мөселманнары Диния нәзарәте  </p> </div> <p> (Казан шәһәре KZN.RU, 7 нче март). Казанда изге Рамазан ае алдыннан «Чиста мәчет» акциясе башланды. Якындагы чара 12 нче мартта узачак. </p> <p> Узган ялларда Идел буе районының «Әниләр» мәчетенә 30 волонтер җыелды. Алар беренче ике каттагы тәһарәт алу бүлмәләрен, намаз залларын һәм аскы катта ял көннәрендә дәресләр уза торган кабинетны җыештырды. Хатын-кызлар тузан сөртте, келәмнәрне чистартты, идәннәрне һәм җиһазларны сөртеп чыкты, пәрдәләрне юып элде, ә ир-атлар мәчеткә керү юлларын чистартты, җиһазлар күчерде.  </p> <p> Мөфтият волонтерлары, быел акция башланганнан бирле, «Миргазиян», «Тәүфикъ», «Мәдинә» һәм Апанай мәчетләрен тәртипкә китерергә өлгерде.  </p> <p> Чираттагы өмә 12 нче мартта «Рөстәм» мәчетендә көтелә. Игелекле эштә (843)237-86-18 телефонына шалтыратып яки телеграмм-каналда <a target="_blank" href="https://t.me/+wsoSqr0iN4c3OGYy">«Чиста мәчет» акциясе чатында</a> язылып катнашырга мөмкин, дип хәбәр итә ТР мөселманнары Диния нәзарәте. </p>

2023-03-07T12:17:12+0300