Яңа уку елы алдыннан казанлылар аз керемле гаиләләрдән булган укучыларга ярдәм итә ала

«Альпари» хәйрия фонды һәм «Мәрхәмәтле Казан» оешмасы сәүдә үзәкләренең берсендә әйберләр җыю өчен махсус контейнер урнаштырды.

(Казан шәһәре KZN.RU, 28-нче август). Белем көненә Казан хәйрия фондлары аз керемле гаиләләрдәге балаларга ярдәм итүгә юнәлтелгән акцияләр үткәрә.

«Альпари» хәйрия фонды һәм «Мәрхәмәтле Казан» коммерцияле булмаган автоном оешмасы шәһәрнең Ибраһимов проспекты, 56 адресы буенча урнашкан сәүдә үзәкләренең берсендә әйберләр җыю өчен махсус контейнер урнаштырдылар. Биредә балаларга укуда кирәк булган бөтен нәрсәне – пеналлар, мәктәп формасы, рюкзаклар, икенче аяк киеме өчен сумкалар һәм физкультура өчен спорт формаларын калдырырга мөмкин.

«Мәктәпкә – шатлык белән!» акциясе кысаларында «Ихлас йөрәкләр» фонды август һәм сентябрь дәвамында балалар өчен канцелярия товарларын җыя, ә «Изгелек күпере» хәйрия фонды аз керемле гаиләләрдән булган балаларга канцтоварларга акча туплый, дип хәбәр итә «Игелекле Казан» автоном коммерцияле булмаган оешмасы.

Шәһәр халкы шулай ук «Чәчәкләр урынына – балалар» акциясенә ярдәм итәргә чакыра. Акция кысаларында мәктәп укучыларына сыйныф җитәкчесенә класстан бер букет бүләк итәргә тәкъдим ителә, ә калган акчаларны хәйрия максатларына тотарга чакыралар.

Шулай ук укыгыз

Барлык яңалыклар