WorldSkills Kazan 2019 чемпионаты алдыннан Казан балаларына эшче һөнәрләр турында спектакль күрсәтәчәкләр

Тамашага күп балалы гаиләләрдәге сабыйларны һәм мөмкинлекләре чикләнгән балаларны чакыралар.

(Казан шәһәре KZN.RU, 1-нче август). 8-нче август көнне «Мәскәү» мәдәни үзәгендә эшче һөнәрләргә багышланган «Игелек юллары» спектакле күрсәтеләчәк. Тамашага күп балалы гаиләләрдәге сабыйларны һәм мөмкинлекләре чикләнгән балаларны чакыралар.

«Игелекле эшләр көне» хәйрия фонды һәм «Татарстанның көмеш волонтерлары» инициативасы буенча күрсәтеләчәк спектакль WorldSkills Kazan 2019 чемпионатына багышланган. Исегезгә төшерәбез, чемпионат Татарстан башкаласында 22-27 август көннәрендә узачак. Тамаша геройлары балаларга әкият форматында дөньяда үз эшеңнең чын остасы булуның ничек мөһим икәнлеге турында сөйләячәкләр.

Спектакльгәкерү ирекле, алдан язылу сорала: (843) 236-65-61. Тамаша 18.00 сәгатькә планлаштырылган, дип хәбәр итә «Игелекле эшләр көне» хәйрия фонды.

Шулай ук укыгыз

Барлык яңалыклар