Казан епархиясе гыйбадәтханәләрендә Хач ману бәйрәмендә гыйбадәтләр узачак

18 нче гыйнварда Казан һәм Татарстан митрополиты Кирилл Богоявленский соборында төнге уяулык уздырачак.

Фото: Денис Гордийко

(Казан шәһәре KZN.RU, 17 нче гыйнвар). Хач ману көннәрендә Казан епархиясенең барлык гыйбадәтханәләрендә гыйбадәт кылулар узачак.

18 нче гыйнварда, Изге Хач ману алдыннан, Казан һәм Татарстан митрополиты Кирилл Казанның Богоявленский соборында төнге уялык уздырачак. Гыйбадәт кылу вакыты 17:00 сәгатьтә башлана, дип хәбәр ителә Татарстан митрополиясе сайтында.

18 еннән 19 нчы гыйнварга каршы төндә Казанның кайбер гыйбадәтханәләрендә төнге гыйбадәт кылулар узачак: Казан Кремленең Благовещение соборында – 00:00 дә, Введенский Кизик монастыренда – 00:00 дә, Казан митрополиты Кирилл Архиерей утарында – 23:30 да, Изге Серафим Саровский гыйбадәтханәсендә – 23:40 та, Спас-Евдокиевский гыйбадәтханәсендә – 23:30 да.

19 нчы гыйнварда, бәйрәм гыйбадәтләре тәмамлангач, барлык гыйбадәтханәләрдә һәм кайбер ачык сулыкларда су изгеләндереләчәк. Казанда 4 купель әзерләнәчәк, аларда суны изгеләндерү 10:30 га планлаштырылган.

Моннан соң традицион массакүләм купельләрдә коенулар башланачак. Барлык купельләрне дә вакытлыча яктыртачаклар. Коену урыннарына керү юлларын чистартачаклар, ә коену урыннары коймалар, агач сукмаклар һәм чыршы ботаклары белән җиһазландырылачак. Гыйбадәт кылучыларга уңайлы булсын өчен, купельләр янында киенү өчен зур палаткалар урнаштырачаклар, шулай ук кайнар чәй һәм камыр ризыклары белән сәүдә нокталары урнаштырачаклар. Һәр купель янында полиция һәм ашыгыч ярдәм бригадасы хезмәткәрләре, шулай ук ашыгыч ярдәм күрсәтү өчен кирәкле җиһазлары булган коткаручылар кизү торачак.

Шулай ук укыгыз

Барлык яңалыклар