Константиновка бистәсендә гомуми практика табибы һәм участок педиатрлары офисы барлыкка киләчәк

Яңа объект ел ахырына кадәр ачылачак.

(Казан шәһәре KZN.RU, 16-нчы июль, Алинә Бережная). Ел ахырына кадәр Константиновка бистәсендә 8-нче номерлы шәһәр сырхауханәсенең гомуми практика табибы һәм участок педиатрлары офисы ачылачак. Бу хакта бүген «Татар-информ» мәгълүмат агентлыгында узган матбугат конференциясендә ТР Төзелеш, архитектура һәм ТКХ министры урынбасары Илшат Гимаев сөйләде.

Спикер сүзләренә караганда, республикада 2019 елда барлыгы 55 сәламәтлек саклау объекты төзеләчәк, 9 объектка капиталь ремонт ясалачак һәм җиһазландырылачак.

2012 елдан бирле республикада 460 яңа модульле фельдшер-акушерлык пункты, 25 табиб амбулаториясе, 24 патологоанатомия бүлеге төзелде, сәламәтлек саклауның беренчел звеносының 1521 объекты капиталь ремонтланды, 134 сәламәтлек саклау учреждениесе җиһазландырылды.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар