Чебакса бистәсендә педиатр участогы белән врач амбулаториясе ачылды

Учреждениедә бер сменага 31 өлкән кеше һәм җиде баланы кабул итәргә мөмкин

Бүген Чебакса бистәсендә бер катлы гомуми практика табибы һәм педиатр офисы ачылды, ул үзебезнең заманча медицина техникасы: ЭКГ аппараты, пульсоксиметр, дефибриллятор белән җиһазландырылган. Учреждениедә сменага 31 өлкән кеше һәм җиде бала кабул итәргә мөмкин.

Гомуми мәйданы 394,63 квадрат метр булган бинада участок терапевты, педиатр, фельдшерлар, шәфкать туташлары һәм акушерка эшләячәк. Алар амбулатор шартларда беренчел табибка кадәрге һәм табиб медицина-санитар ярдәме – кичектергесез ярдәм, вакцинация һәм башка төрле ярдәм күрсәтә алачак.

График буенча тар белгечләр (эндокринолог, невропатолог, кардиологлар) һәм диспансеризация кысаларында тикшерү өчен белгечләрнең килүе планлаштырыла. Маммография һәм ФГДС тикшеренүләре үткәрергә кирәк булганда, пациентлар 20 нче шәһәр поликлиникасына чакырылачак һәм китереләчәк.

Татарстан Сәламәтлек саклау министрлыгының матбугат хезмәте хәбәр иткәнчә, азмобильле кешеләр өчен бинада пандуслар урнаштырылган, бәдрәфләр җиһазландырылган һәм уңайлы ишек уемнары каралган. Республика бюджеты хисабына ике Lada Largus автомобиле, балаларга хезмәт күрсәтү өчен LADA Kalina санитария автомобиле сатып алынган.

Ачылу тантанасында видео-конференц-элемтә режимында РФ хөкүмәте рәисе урынбасары Татьяна Голикова, РФ Сәламәтлек саклау министры Михаил Мурашко һәм башкалар катнашты.

Табиб амбулаториясе төзелеше «Сәламәтлек саклау» милли проектының «Татарстан Республикасы халкына беренчел медицина-санитар ярдәмен камилләштерү чараларын гамәлгә ашыру»программасы кысаларында узды.

Шулай ук укыгыз

Барлык яңалыклар