Киров районы бистәләрендә су белән тәэмин итүне вакытлыча туктатачаклар

Сәбәбе — күчерелгән суүткәргеч участогын тоташтыру

Казанның Киров районында кайбер бистәләр бер тәүлеккә сусыз калачак. Бу күчерелгән суүткәргеч участогын үзәкләштерелгән су белән тәэмин итү челтәрләренә тоташтыруга бәйле.

Су бирү 8 нче августның 9:00 дан 9 нчы августның 9:00 сәгатькә кадәр туктатылачак.

«Водоканал» МУП хәбәр иткәнчә, сүндерү астына Юдино, Красная Горка, Калинина, Яңа Аракчино, Иске Аракчино бистәләре эләгә.

Шул ук вакытта Яңа Юдино бистәсендә су басымын киметү планлаштырыла. Өченче катка кадәр су белән тәэмин итү булачак, кыска вакытлы өзеклекләр булырга мөмкин.

Сулы автоцистерналар +7(843)231-62-60 телефоны аша кабул ителгән гаризалардагы адреслар буенча урнаштырылачак.

Шулай ук укыгыз

Барлык яңалыклар