Казан сырхауханәләренә «Совигрипп» вакцинасының 65 мең дозасы кайтты

Прививканы шәһәр халкы яшәү урыны буенча һәм «Южный» сәүдә үзәгендәге вакцинация пунктында ясата ала.

Фото: Марат Мөгыйнов

(Казан шәһәре KZN.RU, 17 нче август). Казанга өлкәннәр өчен гриппка каршы вакцинаның беренче партиясе – 65 мең доза «Совигрипп» препараты кайтты. Прививканы шәһәр халкы яшәү урыны буенча сырхауханәләрдә һәм «Южный» сәүдә үзәгендәге (Җиңү Проспекты, 91) вакцинацияләүнең мобиль пунктында ясата ала.

«Совигрипп» – гриппны профилактикалау өчен инактивлаштырылган вакцина. Тавык аксымына яки вакцинаның башка компонентларына аллергия, шулай ук алдагы гриппка каршы прививкаларга көчле реакция булганда, аны кулланырга ярамый.

ТР Сәламәтлек саклау министрлыгының Казан буенча Сәламәтлек саклау идарәсендә вакцинация грипптан һәм аның өзлегүләреннән саклауның иң нәтиҗәле ысулы булып кала, дип искә төшерәләр. Җәй азагы һәм көз башы – прививка ясау өчен иң уңайлы чор – иммунитет авырулар санының күтәрелүенә кадәр формалашып өлгерәчәк. Гриппка каршы прививкаларны COVID-19 вакцинациясе белән бер үк вакытта ясатырга мөмкин.

Шулай ук укыгыз

Барлык яңалыклар