Казанның яшүсмерләр клубларында «Җәй нокталары» проектын гамәлгә ашыралар

Өч ай дәвамында балаларны спорт һәм иҗади активлыклар көтә

Киләсе каникуллар чорында яшь казанлылар өчен яшүсмерләр клубларында «Җәй нокталары» проектын гамәлгә ашыралар. Аңа өч юнәлеш керә: «Притяжение», «Клуб в твоем дворе» һәм «Хобби бокс». Программа турында тулырак эшлекле дүшәмбедә балалар һәм яшьләр эшләре комитеты рәисе Алия Заһидуллина сөйләде.

Июньнән августка кадәр шәһәрнең 40 яшүсмерләр клубында «Притяжение» проекты узачак. Биш көн дәвамында балалар өчен төрле активлыклар һәм чакырылган спикерларның чыгышлары планлаштырылган.

Тагын бер юнәлеш «Клуб в твоем дворе» проекты булачак. Яшь казанлылар җәмәгать киңлекләрендә һәм зур вакыйгаларда –Балаларны яклау көнендә, Ачык шәһәр пленэрында, Шәһәр һәм Республика көнендә ачык дәресләрдә катнаша алачак.

Иң таләп ителгән юнәлеш – «Хобби бокс» проекты, ул шәһәр бистәләрендә гамәлгә ашырыла. Җәйге чорда проектта 1 меңнән артык кешене колачлау планлаштырыла. «Хобби бокс» 2023–2025 елларда Казанның Совет районының 11 бистәсендә эшләде, дип өстәде Алия Заһидуллина.

Мобиль яшүсмерләр клубларына спорт (өстәл хоккее, шахмат һәм шашка, мини-футбол, күңелле стартлар, каратэ, бокс һәм үз-үзеңне саклау буенча мастер-класслар) һәм иҗади (рәсем сәнгате буенча мастер-класслар, скетчинг, пленэр, вокаль баттллар һәм бию флешмоблары) активлыклары, шулай ук техник (балта осталыгы буенча мастер-класслар һәм робототехника) һәм гамәли иҗат (оригами, макраме, квиллинг һәм башка бик күпләр) керә.

Яшүсмерләр клублары җәйге чорда штат режимында эшләячәк. «Җәй нокталары»ннан тыш балалар һәм аларның ата-аналары өчен «Бергә» проекты, шулай ук яшь әниләр клубы оештырылачак.