Почта әйләнешенә «Киләчәк уеннары» турниры эмблемасы төшерелгән марка чыкты

Почта әйләнешенә «Киләчәк уеннары» турниры эмблемасы төшерелгән марка чыкты

<p> </p> <div class="detail-picture"> <img src="https://kzn.ru/upload/iblock/3fd/3fdb7dc35a6318e961b51213268d9ea3.jpg"> <p class="detail-picture__caption"> Фото: «Марка» АҖ </p> </div> «Киләчәк уеннары» халыкара мультиспорт турнирына багышланган почта маркасы әйләнешкә чыгарылды. Анда ярышларының эмблемасы – «Цифрлы ялкын» сурәтләнгән. <p> </p> <p> Маркага өстәмә буларак Мәскәү һәм ТР башкаласы өчен махсус штемпельләр әзерләнгән, шулай ук беренче көн конвертлары бастырып чыгарылган, аларда Сөембикә манарасын, Миллениум күперен, «Казан» гаилә үзәген һәм Казан Изге Ана иконасы соборын күрергә мөмкин. Моннан тыш, марка, виньетка һәм конверттан гыйбарәт булган нәфис тышлык ясалган. Бу хакта ТАСС хәбәр итте. </p> <p> Исегезгә төшерәбез, кичә Россия президенты Владимир Путин Татарстан башкаласында «Киләчәк уеннары» турнирына старт бирде. Ачылу тантанасы «Казан Экспо» халыкара күргәзмәләр үзәгендә узды. Дәүләт башлыгы ярышларда катнашучыларны һәм кунакларны сәламләде. Үз чыгышында Россия лидеры чараның югары дәрәҗәдә оештырылуын билгеләп үтте. </p> <p> «Киләчәк уеннары» – спортның классик һәм цифрлы төрләрен берләштерүче фиджитал-форматтагы ярышлар. Турнир программасы биш юнәлеш буенча 21 дисциплинаны берләштерә. Ярышларда 21 нче февральдән 3 нче мартка кадәр йөздән артык илдән 2 меңнән артык спортчы катнашачак. </p> <br>

2024-02-22T11:15:00+0300