Ноябрьнең беренче көнендә Казанда җылыта

Татарстан һәм аның башкаласында көндез һава температурасы +3 градуска кадәр күтәрелә.

(Казан шәһәре KZN.RU, 31-нче октябрь). 1 ноябрьдә Казанда явым-төшемсез аязучан болытлы һава көтелә. Пәнҗешәмбегә каршы төндә синоптиклар урыны белән томан һәм төньяктан салмак җил фаразлыйлар. Терекөмеш баганалары -5-7 градуска кадәр төшәчәк. Көндез шәһәрдә көньяк-көнбатыштан уртача тизлектә җил исәчәк, һава температурасы +1-3 гралуска кадәр күтәреләчәк.

Татарстанның калган районнарында шулай ук явым-төшемсез аязучан болытлы һава көтелә. Төнлә һәм иртән урыны белән томан төшәчәк, җил – көнбатыштан, көньяк-көнбатыштан, салмак. Көндез ул тизлеген уртачага кадәр арттырачак. Төнлә терекөмеш баганалары -5-10 градус күрсәтәчәк, көндез – +3 градус.

Шулай ук укыгыз

Барлык яңалыклар