Җәйнең беренче көнендә Казанда яшенле яңгыр көтелә

Җәйнең беренче көнендә Казанда яшенле яңгыр көтелә

<p> (Казан шәһәре KZN.RU, 31-нче май). Җәйнең беренче көнендә Казанда алмашынучан болытлы һава торышы көтелә, явым-төшемсез, көньяк-көнбатыштан талгын җил исәчәк. Һава температурасы төнлә 16-18 градус җылы, көндез 28-30 градус җылы булачак. Төнлә явым-төшемсез, көндез кыска вакытлы яңгыр көтелә, урыны белән яшен булуы ихтимал. Җил көнбатыштан талгын, яшен вакытында секундына 15-18 метрга кадәр тизлектә.<br> </p> <p> Тулаем республика буенча шимбә көнне шулай ук алмашынучан болытлы һава торышы көтелә, явым-төшемсез, төньяк-көнбатыштан талгын җил булачак. Республиканың күпчелек районнарында урыны белән көчле яңгырлар көтелә. Көннең икенче яртысында һәм кичен урыны белән көчле яңгыр явачак, боз явачак, кайбер районнарда яшен фаразлана. Җил көнбатыштан, уртача, урыны белән секундына 15-20 метрга кадәр, көннең икенче яртысында һәм кичен җил секундына 25 метрга кадәр көчәячәк. Төнлә һава температурасы +13-тән +18 градуска кадәр, көндез +24-тән +29 градуска кадәр, көньяк һәм көньяк-көнчыгыш районнарда +34 градуска кадәр тирбәләчәк. </p> <p> Якшәмбе көнне, 2-нче июньдә, республикада төнлә яңгыр, кичен урыны белән яшенле яңгыр, көндез явым-төшемсез булачак. Төнлә һәм иртән урыны белән томан көтелә. Төнлә төньяк-көнбатыштан талгын җил, кич белән секундына 15-20 метрга кадәр, урыны белән 25 метрга кадәр; көнбатыштан секундына 3-8 метрга кадәр, төнлә һава температурасы +11 дән +16 градуска кадәр, көндез +20-дән +25 градуска кадәр үзгәреп торачак, дип хәбәр итә ТР Гидрометеорология һәм әйләнә-тирә мохитне күзәтү идарәсе. </p> <p>   </p>

2019-05-31T15:16:18+0300