Августның беренче көне җылы булачак

Синоптиклар фаразлары буенча, бу көнне явым-төшем күзәтелми.

(Казан шәһәре KZN.RU, 31-нче июль). Татарстан һәм аның башкаласында җылы, алмашынучан болытлы, явым-төшемсез һава торышы саклана.

Киләсе төндә Казанда төньяк-көнчыгыштан уртача тизлектә җил фаразлана. Һава температурасы төнге сәгатьләрдә +13-15 градус тәшкил итәчәк. 1 августта көндез төньяк-көнбатыштан уртача тизлектә җил исәчәк. Һава +26-28 градуска кадәр җылыначак.

Республикада августның беренче көнендә шулай ук явым-төшемсез алмашынучан болытлы һава фаразлана. Төнлә минималь температура +10-15 градус тәшкил итәчәк. Көндез максималь температура - +23-28 градус.

ТР Гидрометеорология һәм әйләнә-тирә мохитне күзәтү идарәсе искәрткәнчә, 7 августка кадәр Татарстан территориясендә урманнарда югары класслы (4) янгын куркынычы саклана.

Шулай ук укыгыз

Барлык яңалыклар