Гыйнварның беренче ункөнлегендә Казанда кискен респиратор-вируслы инфекцияләр һәм коронавирус белән авыручылар саны кимеде

Яңа ел бәйрәмнәрендә СОVID-19-дан 2 меңнән артык кеше прививка ясаткан.

Фото: Марат Мугинов

(Казан шәһәре KZN.RU, 10-нчы гыйнвар, Ксения Швецова). Казанда гыйнварның беренче декадасында, декабрь белән чагыштырганда, кискен респиратор-вируслы инфекцияләр һәм коронавирус белән авыручылар саны кимеде. Бу хакта шәһәр Башкарма комитетында узган эшлекле дүшәмбедә ТР сәламәтлек саклау министры урынбасары – ТР Сәламәтлек саклау министрлыгының Казан буенча идарәсе башлыгы Владимир Жаворонков хәбәр итте.

Яңа ел каникулларында коронавирустан 2020 кеше вакцинацияләнде, шул исәптән 313 кеше мобиль пунктларда прививка ясатты. Хәзерге вакытта Казанда COVID-19 каршы 747 мең 870 кеше вакцинация узган, бу 18 яшьтән өлкәннәр арасында 76,54% тәшкил итә.

«Хәзер кабат вакцинация үткәрү бурычы тора, – дип билгеләп үтте Казан Башкарма комитеты җитәкчесе Рөстәм Гафаров. – QR-код алгач, тынычланмасыннар өчен кешеләрне мобилизацияләргә кирәк. Башланган эшне ахырына кадәр җиткерү өчен оешкан төстә эшләргә кирәк».

Исегезгә төшерәбез, кабат вакцинация коронавирустан икенче прививка ясатып 6 ай узгач үткәрелә. Вакцинация мобиль пунктларының исемлеге һәм аларның эш режимы белән сылтама буенча танышырга мөмкин.