Кар яуган вакытта ашыгыч ярдәм хезмәтләре чакыруларга тулы күләмдә барган

Узган тәүлектә медицина хезмәткәрләре 1 меңнән артык сәфәр башкарган

Фото: Денис Гордийко

(Казан шәһәре KZN.RU, 22 нче гыйнвар). Узган атнада, кар яуган вакытта, шәһәрнең сәламәтлек саклау системасы штат режимында эшләде. Узган тәүлектә медицина хезмәткәрләре 1 052 тапкыр чыккан.

Барлык пациентларга да тулы күләмдә хезмәт күрсәтелгән. ТР сәламәтлек саклау министры урынбасары – ТР сәламәтлек саклау министрлыгының Казан буенча идарәсе башлыгы Владимир Жаворонков сүзләренчә, йортларга юллар шунда ук чистартылган.

«Сәламәтлек саклау системасы, һава торышына карамастан, штат режимында эшләде. Йортларга баруда, бигрәк тә шәхси секторда, күзәтелгән кыенлыклар тиз хәл ителде. Стационарларга керү юллары өстенлекле статус белән чистартылган. Пациентларны хастаханәгә салуда кыенлыклар күзәтелмәде. Шәһәрнең амбулатор сәламәтлек саклау звеносы да билгеләнгән тәртиптә эшләде, ял көннәрендә эш графигы үзгәрмәде», – дип хәбәр итте Владимир Жаворонков.

Идарә башлыгы шәһәр җитәкчелегенә һәм Мэрына теге яки бу йортка бару белән бәйле проблемаларны оператив хәл иткәне өчен рәхмәт белдерде. Кар җыюда шулай ук шәһәр халкы да ярдәм иткән.