Җиңел атлетика буенча «Төнге Казан» Россия чемпионатына әзерлек һәм аны уздыру чорында транспорт хәрәкәтен вакытлыча чикләячәкләр

Шулай ук парковкалар да чикләнәчәк

Казанның 9 һәм 10 август урамнары буйлап транспорт хәрәкәтен чикләячәкләр. Бу җиңел атлетика буенча «Төнге Казан» Россия чемпионатына әзерләнү һәм аны уздыру белән бәйле. Шулай ук парковкалар да чикләүгә эләгә.

9 августның 21:00 дән 10 августның 2:00 гә кадәр юлның түбәндәге участокларында хәрәкәткә чикләүләр кертеләчәк:

Батурин урамында, Карл Маркс урамыннан алып Кремль яр буе урамына кадәр участокта (хәрәкәтнең ике юнәлешендә дә);

Кремль яр буе урамында, Сәетгалиев урамыннан Батурин урамына кадәрге участокта (хәрәкәтнең ике юнәлешендә дә);

Ташаяк урамыннан Кремль дамбасына кадәр автомобиль юлы участогы (хәрәкәтнең ике юнәлешендә дә);

Кремль дамбасы буйлап, Меңьеллык мәйданыннан Сибгат Хәким урамына кадәр (хәрәкәтнең ике юнәлешендә дә);

Декабристлар урамы буенча, Кремль дамбасыннан Сибгать Хәким урамына кадәр (хәрәкәтнең ике юнәлешендә дә);

6 августның 22:00 дән 10 августның 8:00 гә кадәр транспорт хәрәкәтен Үзәк стадионның Ташаяк һәм Кремль яр буе урамнары ягыннан машина кую урыннарын чикләячәкләр.

Исегезгә төшерәбез, ремонт эшләре белән бәйле хәрәкәт чикләүләре турында мәгълүмат махсус бүлектә бастырыла.

Шулай ук укыгыз

Барлык яңалыклар