Казанның Совет районындагы «Светлая долина» паркында павильон ачылды

Биредә дәресләр, мастер-класслар, семинарлар һәм тренинглар узачак

Фото: Парклар һәм скверлар дирекциясе

(Казан шәһәре KZN.RU, 24 нче ноябрь). Казанның Совет районындагы «Светлая долина» паркында павильон ачылды. Биредә дәресләр һәм мастер-класслар, сулыш алу практикасы, арт-терапия, семинарлар һәм тренинглар узачак.

Тема буенча материаллар:

Илсур Метшин рекреацион зоналарны арттыру турында: «Быел гына да без 20 гектар яңа мәйданга арттык»

Беренче чара иртәгә була. Шәһәрлеләрне кундулини-йога буенча күнегүләргә чакыралар. Катнашу өчен укытучыга язылырга кирәк. Дәрес өчен келәм алып килү сорала.

Казанның парклар һәм скверлар дирекциясендә хәбәр итүләренчә, барлык теләүчеләрне 10:00 сәгатьтә павильонда көтәчәкләр, ориентир – Р.Нәҗметдинов урамы буенча 11 нче йортның 4 нче корпусы.

Исегезгә төшерәбез, «Светлая долина» паркы 30 нчы августта, Шәһәр һәм Республика көнендә ачылды. 19,4 мең кв.м мәйданда барбекю һәм воркаут өчен зоналар, памп-трек, балалар мәйданчыгы һәм этләр йөрү өчен мәйданчык булдырылган. Маршрут буенча халык өчен эскәмияләр һәм пуфлар белән ял итү зоналары, велосипед юлы, күзәтү мәйданчыклары, шулай ук мәгълүмати һәм навигация стендлары оештырылган. Бу кышта җәмәгать киңлегендә вакыйгалар программасы эшли башлаячак.

Шулай ук укыгыз

Барлык яңалыклар