«Савиново» паркында кар фонарьлары бәйрәме узачак

Казанлылар кардан фигуралар ясый һәм территория буйлап экскурсиягә бара алачак

Шимбә көнне, 18 гыйнварда, «Савиново» Казан паркында кар фонарьлары бәйрәме узачак. Чарада катнашучылар кардан композиция булдырачак һәм аларны эчтән шәмнәр белән яктыртачак.

Шул ук көнне экоактивист Тимур Ескараев һәм орнитолог Артур Дегтяревтан экскурсия узачак. Алар шәһәр халкына табигый парк территориясендә һәм төбәктә яшәүче кошлар турында сөйләячәк.

Кар фонарьларын әвәләү өчен, үзең белән су үткәрми торган перчаткалар (мәсәлән, резин), су белән пульверизаторлар, шәмнәр (кирәк восковые), электр фонарьлары алырга кирәк. Оештыручылар җылы киенергә, җылыныр өчен термоста чәй һәм кабымлыклар алырга киңәш итә.

Катнашу бушлай, җыен 15:00 сәгатьтә Гаврилов урамындагы паркка керү юлында башлана, дип хәбәр итә «Казансу үсеше стратегиясе» проекты командасы. Өстәмә мәгълүматны телеграм аша элемтә өчен чатта белергә мөмкин.

Шулай ук укыгыз

Барлык яңалыклар