Җиңү паркында фотограф Артем Моховның «Тарих йөзләрдә» күргәзмәсе ачылды

Җиңү паркында фотограф Артем Моховның «Тарих йөзләрдә» күргәзмәсе ачылды

<p> </p> <div class="detail-picture"> <img src="https://kzn.ru/upload/iblock/6e0/KZN-2229-870.jpg"> <p class="detail-picture__caption"> Фото: Парклар һәм скверлар дирекциясе </p> </div> <p> (Казан шәһәре KZN.RU, 22 нче июнь). Җиңү паркында Хәтер һәм кайгы көнендә «Тарих йөзләрдә» күргәзмәсе ачылды. Аның авторы – Казан фотографы Артем Мохов, ул бүген экспозиция буенча экскурсия уздырачак һәм аның геройлары турында сөйләячәк. </p> <p> «Тарих йөзләрдә» күргәзмәсе Бөек Ватан сугышы ветераннарына багышлана. Ул А.Моховның «Соңгы герой» фото-китабы нигезендә оештырылган. Автор сүзләренчә, фото-китап геройлары – фронтовиклар. «Бөек Ватан сугышы ветераннарын эзли башлаганчы аларның ни дәрәҗәдә аз калганын күз алдына да китерә алмадым. Мин бәхетле, бүген безнең аларга рәхмәт сүзләрен әйтү мөмкинлеге бар әле», - ди фотограф. </p> <p> Экспозиция Совет солдаты монументы янында урнашкан 13 ике яклы стендта урнаштырылган. Күргәзмәне ай дәвамында карарга мөмкин. </p> <p> Экспозиция буенча экскурсия бүген 19:00 сәгатьтә башлана, анда теләге булган һәркем килә ала, дип хәбәр иттеләр Казанның парклар һәм скверлар дирекциясендә. </p>

2022-06-22T12:31:00+0300