24 майда Казанның Урицкий исемендәге паркында Халыкара күршеләр көнен билгеләп үтәчәкләр

Барлык кунаклар да мизгел эчендә әзер булачак фоторәсемнәр, күңелле призлар һәм бүләкләр ала алачак.

(Казан шәһәре KZN.RU, 21-нче май). 24 майда Урицкий исемендәге паркта Халыкара күршеләр көнен билгеләп үтәчәкләр. Программада - күршеләр арасындагы мөнәсәбәтләрне ныгыту өчен гаилә конкурслары, сыерчык ояларын экологик яктан чиста буяулар белән буяу, һава шарларын күпләп һавага очыру каралган интерактив шоу. Моннан тыш, барлык кунаклар да мизгел эчендә әзер була торган фоторәсемнәр, күңелле призлар һәм бүләкләр ала алачак.

Балалар өчен дә чаралар әзерләнгән. Алар белән мәйданчыкта аниматорлар һәм аквагримерлар эшләячәк. Балалар үзләренең иҗади сәләтләрен «Асфальтта рәсемнәр» конкурсында күрсәтә алачаклар, ә «Сортка аеручы» интерактив зоналарында балалар уен формасында чүпне дөрес итеп сортларга аерырга өйрәнә алачаклар.

Чара 15.00 сәгатькә планлаштырылган, дип хәбәр иттеләр Казанның Киров һәм Мәскәү районнары администрациясендә.

Шулай ук укыгыз

Барлык яңалыклар