«Черек күл» паркында Гарри Поттер турында фильмнардан һәм Хаяо Миядзаки мультфильмнарыннан музыка яңгыраячак

Шәһәр халкы һәм кунаклары алдында Г.Камал театры оркестры чыгыш ясаячак.

Фото: Парклар һәм скверлар дирекциясе

(Казан шәһәре KZN.RU, 24 нче июнь). 25 нче июньдә Казанның «Черек күл» паркында шәһәр халкы һәм кунаклары Гарри Поттер турындагы фильмнардан һәм Хаяо Миядзаки мультфильмнарыннан сюитлар ишетә алачак. Музыканы Галиәсгар Камал исемендәге Татар дәүләт академия театрының баш дирижер Данияр Соколов җитәкчелегендәге оркестры башкарачак.

Парк амфитеатрында ачык һавада концерт 20:00 сәгатьтә башлана. Керү ирекле, дип хәбәр иттеләр Казанның парклар һәм скверлар дирекциясендә.

Шулай ук укыгыз

Барлык яңалыклар