«Черек күл» паркында Казанда гамәлгә ашырыла торган инклюзив программалар турында фикер алышачаклар

Очрашу рус ишарәләр теленә тәрҗемә ителеп барачак

Фото: Денис Гордийко

(Казан шәһәре KZN.RU, 5 нче июль). «Черек күл» паркында «Инклюзия. Ни өчен бу һәркем өчен мөһим?» лекциясе узачак. Очрашуда «инклюзия» төшенчәсе, шулай ук Казанда гамәлгә ашырыла торган программалар һәм практикалар турында фикер алышачаклар. Бу вакыйга рус ишарәләр теленә тәрҗемә белән озатылачак.

Татарстан башкаласының Парклар һәм скверлар дирекциясендә хәбәр итүләренчә, лекция парк амфитеатрында 7 нче июльдә 18:30 сәгатьтә узачак. Шуннан соң катнашучыларга Казан Кремле территориясендә «Янәшәдә» инклюзив күргәзмә проектын карарга тәкъдим итәчәкләр. Катнашу өчен сылтама буенча теркәлү үтәргә кирәк.

Спикерлар булып «Э-моция» иҗади инклюзив студиясе җитәкчесе Инесса Клюкина, «Игелекле Казан» автоном коммерцияле булмаган оешмасы директоры Татьяна Мерзлякова, Казан яшь тамашачылар театры режиссеры-педагогы, «Театр булдырып» лабораториясенең сәнгать җитәкчесе Дарья Гуськова, тифлокомментатор, ТР «Республика сукырлар өчен махсус китапханәсе» дәүләт бюджет мәдәният учреждениесе оештыру-методик һәм библиографик эшчәнлек бүлеге мөдире Гөлүсә Закирова һәм Казан Кремленең инклюзив программалар кураторы Дарья Моратова чыгыш ясаячак.

Шулай ук укыгыз

Барлык яңалыклар