Казан паркларында «Брейк ишегаллары» бию мастер-класслары узачак

Беренче дәресләр 26-нчы августта була.

(Казан шәһәре KZN.RU, 25-нче август). Казан паркларында «Брейк ишегаллары» бию мастер-класслары узачак. Брейк-данс буенча профессиональ тренерлар бию хәрәкәтләренә өйрәтәчәк, ә аларның тәрбияләнүчеләре тамаша-номерлар белән чыгыш ясаячак һәм күрсәтмә баттлларда катнашачак.

Беренче дәресләр 26-нчы августта 18.00 сәгатьтә «Ак чәчәкләр» бульварында һәм «Крылья Советов» паркында узачак. 27-нче августта 15.00 сәгатьтә биючеләр Урицкий исемендәге паркта мастер-класс оештыра, дип хәбәр итә Казанның Парклар һәм скверлар дирекциясе матбугат хезмәте.

Шулай ук укыгыз

Барлык яңалыклар