Казан паркларында сәламәтлек мөмкинлекләре чикле балалар өчен снегокатларны бушлай прокатлау оештырылды

Хезмәттән 10:00 сәгатьтән 20:00 сәгатькә кадәр файдаланырга мөмкин.

Фото: Денис Гордийко

(Казан шәһәре KZN.RU, 30 нчы декабрь). Казан паркларында сәламәтлек мөмкинлекләре чикләнгән балалар өчен снегокатларны бушлай прокатлау оештырылды. Хезмәттән 10:00 сәгатьтән 20:00 сәгатькә кадәр файдаланырга мөмкин.

Снегокатлар Горки-Әмәт урманындагы прокат пунктларында, Җиңү һәм «Комсомолец» паркларында бар. Снегокатларны баланың сәламәтлеге үзенчәлеген раслаучы белешмә булганда арендага алырга мөмкин, дип хәбәр итә «Игелекле Казан» АКБО.

Бушлай прокат «Альпари» хәйрия фонды һәм Казанның парклар һәм скверлар дирекциясе ярдәмендә оештырылган.

Шулай ук укыгыз

Барлык яңалыклар