КФУ биналарының берсендә Толстой һәм Тукай скульптуралары барлыкка киләчәк

КФУ биналарының берсендә Толстой һәм Тукай скульптуралары барлыкка киләчәк

<p> (Казан шәһәре KZN.RU, 13-нче март). Казан федераль университетының Филология һәм мәдәниятара багланышлар институты холлында «Л.Н.Толстой һәм Г.Тукай» скульптура композициясе барлыкка киләчәк. </p> <p> Идея буенча, скульптура Лев Толстой, Габдулла Тукай һәм татар-рус телләрендә ике әлифба тоткан кызның фигураларыннан торачак. Фигуралар рельефлы язу хәрефләре һәм язучыларның исемнәре язылган китап рәвешендә декоратив стенка фонында урнаштырылачак. Язучыларның скульптураларының биеклеге 200 см тәшкил итәчәк. </p> <p> Әлеге композиция ак мәрмәрнең фактурасын һәм текстурасын чагылдыра торган каты композит материалдан төзеләчәк, дип хәбәр итә Казан университетының матбугат хезмәте. </p> <p> Композицияне ярымтүгәрәк постамент рәвешендәге нигезгә урнаштыру күздә тотыла. Кичке сәгатьләрдә Тукай һәм Толстой образлары силуэтлары институтның панорамалы тәрәзәләре аша күренәчәк. </p> <p>   </p>

2019-03-13T14:16:49+0300