Казанның җәмәгать транспортында 1,3 меңнән артык битлек режимын бозучыны ачыклаганнар

Тикшерү 5-9-нчы октябрьдә 13 транспорт предприятиесе һәм метрополитен маршрутларында узды.

Фото: Денис Гордийко

(Казан шәһәре KZN.RU, 13-нче октябрь). Казанның җәмәгать транспортында пассажирлар һәм экипаж әгъзаларының маска режимы үтәлеше буенча тикшерүләр дәвам итә. 5-нче октябрьдән 9-нчы октябрьгә кадәр Транспорт комитеты хезмәткәрләре транспорт предприятиеләренең контроль-ревизия хезмәтләре белән берлектә 1300-дән артык хокук бозучыны ачыклаган.

Тикшерү 13 транспорт предприятиесе маршрутларында һәм метрополитенда узды. Нәтиҗәдә автобусларда, трамвайларда һәм троллейбусларда 667 битлек режимын бозучыны ачыклаганнар. Шул исәптән 648 пассажирга битлекне урында кигерделәр, 19 пассажирны җәмәгать транспортыннан төшереп калдырдылар.

Метрополитенда шәхси саклану чараларсыз 640 пассажир ачыкланган. Аларның 633-е кисәтүләрдән соң битлек кигән, берсе төшереп калдырылган, тагын алты пассажирга беркетмә төзелгән.

Рейдлар барышында Комитетның контроль-ревизия хезмәте шулай ук автоинформаторларда коронавирус инфекциясен профилактикалау буенча аудиоязмалар булуын да тикшерде.

Җәмәгать транспортында битлекләрне җәмәгать транспортында куллану турында ТР Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәте тәкъдимнәре белән листовкалар яңартылды, дип хәбәр итә Казанның транспорт комитеты.

Шулай ук укыгыз

Барлык яңалыклар