Ноябрь аенда Казанда татар биюен үстерү буенча «ӘйдәБас» дигән түләүсез остаханә узачак

Ноябрь аенда Казанда татар биюен үстерү буенча «ӘйдәБас» дигән түләүсез остаханә узачак

<p> </p> <div class="detail-picture"> <img src="https://kzn.ru/upload/iblock/8f1/DSC_5138-870.jpg"> <p class="detail-picture__caption"> Фото: Денис Гордийко  </p> </div> <p> (Казан шәһәре KZN.RU, 17 нче октябрь). 1 нче ноябрьдән 6 нчы ноябрьгә кадәр Татарстан башкаласында «ӘйдәБас» татар биюен үстерү остаханәсе» дигән бушлай белем бирү атнасы узачак. Габдулла Кариев исемендәге Казан татар дәүләт яшь тамашачы театрында Россиянең 6 төбәгеннән килгән педагоглар һәм хореографлар өчен татар биюенең төбәк үзенчәлекләре буенча түләүсез уку-укыту атнасы башлана. </p> <p> 2023 елның маенда проектның йомгаклау концерты булачак. Анда катнашучылар театр сәхнәсендә татар биюе буенча яңа постановка тәкъдим итә алачаклар. </p> <p> Проектның остазлары – «Дәрман» татар биюе студиясе җитәкчесе, Татарстан Дәүләт җыр һәм бию ансамбле артисты Алсу Мәгъсумҗанова һәм «Э-моция» иҗади инклюзив студиясенең сәнгать җитәкчесе, режиссеры, социаль проектлар авторы Неля Суркина. </p> <p> «ӘйдәБас» остаханәсендә катнашу өчен 23 нче октябрьгә кадәр <a target="_blank" href="https://forms.gle/PLix7cQYe98eg6ak6">шушы сылтама</a> буенча гариза җибәрергә кирәк. Катнашучылар саны чикләнгән. </p> <p> Проект идеясе узган елның язында, Г.Кариев исемендәге театрда «Татар биюе: кичә, бүген, иртәгә» темасына түгәрәк өстәл вакытында барлыкка килгән. Ул «Таврида.АРТ» фестивалендә бөтенроссия яшьләр проектлары конкурсында хупланды, дип хәбәр итә «Э-моция» студиясе матбугат хезмәте. </p>

2022-10-17T14:10:52+0300