Яңа ел бәйрәмнәрендә Казанда беренче тапкыр кастом чаналар фестивале узачак

Гаризалар 30 декабрьгә кадәр кабул ителә.

(Казан шәһәре KZN.RU, 28-нче декабрь). 4 гыйнвар көнне Горький ис. паркта гадәти булмаган чаналар фестивале узачак. Төп приз өчен һәркем көрәшә ала.

Фестивальдә катнашу өчен 30 декабрьгә кадәр тюбинглар нигезендә гадәти булмаган чана концепциясе булдырырга (танк, самолет, көймә, галәм корабы яки фантастик машина һ.б. рәвешендә), проектларны тормышка ашырырга һәм фестивальгә килергә кирәк. Чара көнендә катнашучыларга үз иҗат җимешләрен күрсәтергә, аннары парктагы таудан креатив чаналарда шуарга кирәк. Катнашырга 2-5 кешедән торган командалар чакырыла.

Җиңүче 50 мең сум акча алачак. Жюри иң гадәти булмаган чаналарны сайлаганда креатив киемнәр, таулардан төшү алдыннан күрсәтелгән перфомансны, чаналарның кызыклы конструкторлык идеясен, шулай ук чананың төшү ераклыгын исәпкә алачак.

Катнашучыларны теркәү 12.00 сәгатьтә башланачак, дип хәбәр иттеләр Парклар һәм скверлар дирекциясендә. Тулырак мәгълүмат "ВКонтакте" социаль челтәрендәге фестиваль төркемендә бирелгән.

Шулай ук укыгыз

Барлык яңалыклар