Төнлә Казанда яңадан суытачак

Төнлә Казанда яңадан суытачак

<p> (Казан шәһәре KZN.RU, 29-нчы март). Татарстан һәм аның башкаласында төнлә һәм көндез салкын һава саклана. Киләсе тәүлектә алмашынучан болытлы һава көтелә, явым-төшем күзәтелми.<br> </p> <p> Төнлә Казанда терекөмеш баганалары минус 11-13 градуска кадәр төшәчәк, аяз вакытларда – минус 18 градуска кадәр. ТР буенча төнге минималь температура минус 11-16 градус булачак, аяз вакытларда – минус 21 градуска кадәр. Көньяк-көнбатыштан салмак җил. </p> <p> Көндез 30 мартта Казанда температура нуль градустан минус 2 градуска кадәр үзгәреп торачак, ТР буенча – +1 градустан минус 4 градуска кадәр. Көньяк-көнбатыштан салмак җил. Юлларда бозлавык саклана, дип хәбәр итә ТР Гидрометеорология һәм әйләнә-тирә мохитне күзәтү идарәсе. </p> <p> Татарстан буенча шимбә көнне аязучан болытлы һава фаразлана, төнлә явым-төшем күзәтелми. Көндез һәм кич белән күпчелек районнарда бераз кар явачак, урыны белән буран булырга мөмкин. Көньяк-көнбатыштан, көньяктан салмак җил. Төнлә һаваның минималь температурасы минус 7-12 градус тәшкил итәчәк, аяз вакытларда – минус 16 градуска кадәр. Көндез максималь температура минус 3 градустан +2 градуска кадәр булачак. Юлларда бозлавык. </p>

2018-03-29T15:56:46+0300