Казан урамнарын төнлә кардан чистартырга 247 берәмлек махсус техника җәлеп ителәчәк

Кайбер участокларда катнаш юл машиналарын һәм трактор щеткаларын кулланып сибү һәм себерү эшләре башкарылачак.

Фото: Марат Мугинов

(Казан шәһәре KZN.RU, 14-нче декабрь). 15-нче декабрьгә каршы төндә Казан урамнарын кардан чистартуда 48 юл эшчесе һәм 247 берәмлек махсус техника, шул исәптән 83 катнаш юл машинасы, 67 трактор щеткасы, 39 үзбушаткыч, 31 фронталь төягеч, 8 «Барсик» минитөягече һәм башка төр техника эшләячәк.

Кар чыгару Адамюк, Айвазовский, Бассейн, Волков, Высотная, Даурия, Кремль, Лебедев, Лобачевский, Мәүлетов, Академик Парин, Подлужная, Тихорецк, Четаев урамнары участокларыннан, шулай ук Әмәт магистрале, Себер тракты, Ямашев проспектыннан башкарылачак.

Кайбер урамнарда катнаш юл машиналарын һәм трактор щеткаларын кулланып, сибү һәм себерү, шулай ук ротор һәм грейдерлар эше башкарылачак, дип хәбәр иттеләр шәһәрнең Тышкы төзекләндерү комитетында.

Юл хезмәтләре казанлылардан үзләренең автомобильләрен юл читендә калдырмауларын сорый, алар махсус техника эшенә комачауларга мөмкин.

Шулай ук укыгыз

Барлык яңалыклар