6 нчы гыйнвардан 7 нче гыйнварга каршы төндә Казанда җәмәгать транспортын махсус бирүне оештыралар

ТР башкаласында яшәүчеләр һәм кунаклар Раштуа бәйрәменә багышланган тантаналы гыйбадәтләрдән соң «Үзәк стадион» тукталышыннан китә алачак.

Фото: Денис Гордийко

(Казан шәһәре KZN.RU, 6 нчы гыйнвар). 7 нче гыйнварда, Раштуа бәйрәмендә, Казан гыйбадәтханәләрендә төнге гыйбадәттән соң, шәһәр халкы өчен җәмәгать транспортын махсус бирүне оештыралар.

1:30 сәгатьтән «Үзәк стадион» тукталышы янында пассажирларны 2 нче троллейбус һәм 6, 10а, 15, 23 һәм 30 нчы номерлы маршрут автобуслары көтәчәк.

Казан епархиясе матбугат хезмәте хәбәр иткәнчә, 6 нчы гыйнвардан 7 нче гыйнварга каршы төндә Казан һәм Татарстан митрополиты Кирилл Изге Мәрьям Ана иконасының кафедраль соборында илаһи литургия үткәрәчәк. «Татарстан – Яңа гасыр» республика телерадиокомпаниясе оештыра торган туры эфир 23:45 сәгатьтә башлана. Трансляция «Православие в Татарстане» порталында да узачак.

Исегезгә төшерәбез, 8 нче гыйнварга кадәр бәйрәм көннәрендә Татарстан Республикасы башкаласының җәмәгать транспорты ял көне графигы буенча – 5:30 дан 23:30 га кадәр эшли. Метрополитен пассажирларны 6:00 дән алып төн уртасына кадәр кабул итә.

Кызыксындырган сорауларны Транспорт комитетының +7(843)275-30-50 кайнар линиясе телефоны буенча бирергә мөмкин.

Шулай ук укыгыз

Барлык яңалыклар