28 августтан 29 августка каршы төндә Татарстан башкаласында кайбер урамнар буйлап транспорт хәрәкәте чикләнәчәк

Бу «Төнге Казан» узышы белән бәйле.

Фото: Казан шәһәре KZN.RU

(Казан шәһәре KZN.RU, 27-нче август). Татарстан башкаласында «Төнге Казан» узышы вакытында кайбер урамнарда транспорт хәрәкәте чикләнәчәк. Тиешле документ шәһәр Башкарма комитетында имзаланды.

Хәрәкәт 28-нче августтан 29-нчы августка каршы төндә түбәндәге урамнар буенча чикләнәчәк:

23:20 сәгатьтән 00:20 сәгатькә кадәр Миллениум күпереннән алып Подлужная урамы, 17 гә кадәр (торак сектордан Толстой урамы ягына чыгу мөмкинлеге белән хәрәкәтне тулысынча чикләү белән);

23:30 сәгатьтән 00:30 сәгатькә кадәр Миллениум күпере буенча Сибгат Хәким урамыннан алып Вишневский урамына кадәр;

23:30 сәгатьтән 00:30 сәгатькә кадәр Фатыйх Әмирхан урамындагы 3-нче номерлы йорттан Сибгат Хәким урамына кадәр (хәрәкәтнең бер юнәлешен чикләү);

23:30 сәгатьтән 00:30 сәгатькә кадәр ФФатыйх Әмирхан урамы буенча икенче дәрәҗәле юл буенча, Козин урамыннан Сибгат Хәким урамына кадәр (хәрәкәтнең бер юнәлешен чикләү);

23:30 сәгатьтән 00:30 сәгатькә кадәр Фатыйх Әмирхан урамы буенча, Сибгат Хәким урамыннан Миллениум күперенә кадәр (хәрәкәтнең бер юнәлешен чикләү);

23:30 сәгатьтән 01:00 сәгатькә кадәр Сибгат Хәким урамы буенча, Декабристлар урамыннан алып Фатыйх Әмирхан урамына кадәр (хәрәкәтне тулысынча чикләү);

23:00 сәгатьтән 01:10 сәгатькә кадәр Кремль дамбасы буенча, Батурин урамыннан чыгу юлыннан Сибгат Хәким урамына кадәр (1,5 уң полосаны чикләү);

23:30 сәгатьтән 01:10 сәгатькә кадәр Батурин урамын буенча – Кремль дамбасына чыгу юлы, Кремль яр буе буенча 5-нче номерлы йорттан Кремль дамбасына кадәр (хәрәкәтнең бер юнәлешен чикләү).

Исегезгә төшерәбез, «Төнге Казан» катнашучылары Кремль, Игенчеләр сарае, «Казан» гаилә үзәге һәм ике күзәтү тәгәрмәче яныннан узачак. Чара «Урам» экстрим-паркы янындагы спорт программасыннан 17:00 сәгатьтә башлана. 5 чакрымга старт 22:45 сәгатьтә, 10 чакрымга төн уртасында булачак.

Шулай ук укыгыз

Барлык яңалыклар