Шимбәгә каршы төндә Казанда яңгыр һәм юеш кар көтелә

Синоптиклар көндез тизлеге секундына 15-20 метрга кадәр җитәчәк көчле җил булачагы турында кисәтә.

(Казан шәһәре KZN.RU, 17-нче апрель). 18-нче апрельдә Татарстанда җилле һәм яңгырлы һава торышы сакланачак. Шимбәгә каршы төндә синоптиклар яңгыр һәм юеш кар фаразлый. Көндез бераз яңгыр явачак.

Казанда җил көньяк-көнбатыштан уртача тизлектә исәчәк. Синоптиклар 18-нче апрельдә көндез ул көчәячәк, тизлеге секундына 15-20 секундка кадәр җитәчәк, дип кисәтә. Төнлә +1-дән +3 градуска кадәр, көндез 8-10 градус җылы булачак.

Республика территориясендә шулай ук көньяк-көнбатыштан көчле җил фаразлана, җилнең тизлеге секундына 15-20 метрга кадәр, иртән һәм көндез урыны белән 23 метрга кадәр җитәчәк. Төнлә һава температурасы 0-дән +4 градуска кадәр, көндез +5-тән +10 градуска кадәр булачак.

Якшәмбе көнне Татарстанда аязучан болытлы һава торышы көтелә. Урыны белән бераз яңгыр, төнлә һәм иртән юеш карлы яңгыр явачак. Көньяк-көнбатыштан талгын җил исүе көтелә. Төнлә һава температурасы минус 1-дән +4 градуска кадәр, көндез +8-дән +13 градуска кадәр тирбәләчәк, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар