6 гыйнварга каршы төндә Казан урамнарын җыештырырга 390 берәмлек техника һәм 60 юл эшчесе чыгачак

Казанлылардан үз автомобильләрен юл кырыйларында калдырмауларын сорыйлар.

Фото: Марат Мугинов

(Казан шәһәре KZN.RU, 5-нче гыйнвар). Бүген төнлә Казан урамнарын кардан чистартырга 390 берәмлек махсус техника чыгачак, шул исәптән 77 катнаш юл машинасы, 62 трактор щеткасы, 145 үзбушаткыч, 59 фронталь төягеч, 15 «Барсик» минитөягече һәм башкалар.

Кар чыгару 2 нче Азино, Әпсәләмов, Адоратский, Баруди, Большая, Бондаренко, Борисково, Бутлеров, Вишневский, Восстание, Восход, Гарифьянов, Глушко, Груздев, Губкин, Девятаев, Декабристлар, Дементьев, Н.Ершова, Зәкиев, Зорге, Ижау, Индустрия, Искра, Камал, Кирпичников, Короленко, Кошевой, Курск, Г.Кутуй, Лена, Лечебная, К.Маркс, Минск, Мәскәү, Мусин, Нагорный, Новаторлар, Профсоюз, Пушкин, Родина, Садыйкова, Сахаров, Сеченов, Социалистическая, Сыртланова, Тинчурин, Тихомирнов, Усманов, С.Хәким, Худяков, Четаев, Чуйков, К.Цеткин, Шмидт, Яхин урамнарыннан, шулай ук Миллениум күпереннән, Ленин дамбасыннан, Ибраһимов һәм Ямашев проспектларыннан, Себер тыкрыгыннан һәм Мамадыш трактыннан башкарылачак.

Кайбер участокларда катнаш юл машиналарын һәм трактор щеткаларын кулланып сибү һәм себерү эшләре башкарылачак, дип хәбәр иттеләр шәһәрнең Тышкы төзекләндерү комитетында.

Юл хезмәтләре казанлылардан үзләренең автомобильләрен юл читендә калдырмауларын сорый, алар махсус техника эшенә комачауларга мөмкин.

Шулай ук укыгыз

Барлык яңалыклар