Казанда 5 нче апрельгә каршы төндә көчле җил көтелә

<h1></h1> <div> </div> <img src="https://kzn.ru/upload/iblock/57b/DSC_5116-870.jpg"> <div class="detail-picture"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 4 нче апрель). 5 нче апрельдә Татарстанда һәм аның башкаласында начар һава шартлары фаразлана. Төнлә һәм иртән юеш кар, көчәйгәндә секундына 19-24 метрга кадәр көчле җил, күз күреме 500-1000 метрга кадәр начарлану көтелә. </p> <p> 5 нче апрельгә каршы төндә Казанда һаваның минималь температурасы 3-5 градус салкын, көндез 3-5 градус җылы булачак. Гомумән алганда, төнлә һава температурасы 2-7 градуска кадәр төшәчәк, аязганда минус 10 градуска кадәр җитәчәк. Көндез иң югары температура 2-7 градус җылы тәшкил итәчәк. Юлларда – бозлавык һәм кар көртләре, дип хәбәр итә ТР Гидрометеорология һәм әйләнә-тирә мохитне мониторинглау идарәсе. </p> <p> ТР буенча Эчке эшләр министрлыгының дәүләт автоинспекциясе машина йөртүчеләргә юл хәрәкәте кагыйдәләрен үтәү кирәклеге турында искә төшерә. Куркыныч маневрлардан, бигрәк тә каршы полосага чыгудан тыелырга кирәк. Куркынычсызлык каешларын эләктереп йөрү, ә 7 яшькә кадәрге балаларны махсус креслоларда йөртү сорала. </p> <p> Җәяүлеләргә дә сак булырга – юлны бары тик махсус билгеләнгән урында светофорның рөхсәт ителә торган сигналына гына чыгарга кирәк, ә караңгы вакытта, күз күреме начар булган шартларда, яктылык кайтаргыч элементлар кулланырга киңәш ителә. </p>

2022-04-04T16:26:00+0300