21 гыйнварга каршы төндә Казан урамнарын җыештырырга 388 берәмлек техника һәм 63 юл эшчесе чыгачак

Юл хезмәтләре казанлылардан үзләренең автомобильләрен юл читендә калдырмауларын сорый.

Фото: Денис Гордийко

(Казан шәһәре KZN.RU, 20-нче гыйнвар). Бүген төнлә Казан урамнарын кардан чистартырга 63 юл эшчесе һәм 388 берәмлек махсус техника, шул исәптән 74 катнаш юл машинасы, 66 трактор щеткасы, 142 үзбушаткыч, 56 фронталь төягеч, 12 «Барсик» минитөягече һәм башка машиналар чыгачак.

Кар чыгару Әбҗәлилов, Алафузов, Әмирхан, Астрономия, Батурин, Бутлеров, Волков, Восстание, Восход, Гагарин, Гвардия, Горький, Дәүләки, Девятаев, Дементьев, Дзержинский, Николай Ершов, Зорге, Королев, Гадел Кутуй, Латыйпов, Лесгафт, Лобачевский, Лукницкий, Максимов, Карл Маркс, Миль, Мусин, Париж Коммунасы, Петербург, Профсоюз, Серов, Спартак, Николай Столбов, Театр, Тэцевская, Университет, Шамил Усманов, Халезов, Челюскин, Чернышевский, Четаев, Чистай, Чуйков һәм башка урам участокларыннан башкарылачак.

Кайбер урамнарда катнаш юл машиналарын һәм трактор щеткаларын кулланып сибү һәм себерү эшләре башкарылачак, дип хәбәр иттеләр Казан Башкарма комитетының Тышкы төзекләндерү комитетында.

Юл хезмәтләре казанлылардан үзләренең автомобильләрен юл читендә калдырмауларын сорый, алар махсус техника эшенә комачауларга мөмкин.

Исегезгә төшерәбез, шәһәрдә кар чистарту буенча кайнар линияләр эшли. Район администрациясенә дә, «Ачык Казан» сервисы аша да мөрәҗәгать итәргә була.